Fyrvaktarar
Christian Malme
fyrvaktar frå 25.
januar 1874 til
7. desember 1878
Det hadde seg slik at
assistenten ved
Lista fyr i november 1873 fekk ordre om å innfinne seg i
Ålesund, der han skulle treffe nytilsett fyrvaktar
Christian
Malme ved Ulla fyr. Han skulle ha med seg ei fyrlykt
frå
Lista. I Ålesund skulle dei to ta med seg eit
oljefat til
Kvernholmen "hvilket efter Ankomsten til Ulla bliver at aftappe,
og som
sædvanligt i Vidners Overvær at opveie".
På
Ulla skulle han "anbringe Apparatet, prøve Lamperne, og
gjøre Fyrvogter bekjendt med alt til hvad Fyret og dets
Røgt henhører".
Og Ulla fyr vart såleis tent 25. januar 1874. Fyret
gav eit
fast kvitt lys av 6. orden (lågaste orden, svakaste lys)
og
skulle lyse innover mot Ullasundet "til Veiledning under
Fiskerierne".
Den første tida då Christian Malme var fyrvaktar,
var Ulla
fyr eit
fiskefyr. Det vil seie at det berre skulle brenne i
fisketida
frå 25.
januar til 8. april. For denne oppgåva skulle
fyrvaktaren
ha 25
spesidalar i løn og fri bustad. Lønna var
for
så vidt grei, men fri
bustad på Kvernholmen vil i den tida seie eit lite rom i
tilknyting til
fyrtårnet. Bustadhuset var ikkje bygt då,
så
det var nokså kummerleg.
Fyrvaktar Christian Malme var opphavleg murmeister og hadde
rikeleg
erfaring i arbeid med oppføring av fyr langs
kysten. Han
vart tilsett som fyrvaktar på Ulla fyr frå
starten 25. januar 1874. Han stod elles til disposisjon
for
Fyrdirektoratet i dei periodane av året når Ulla fyr
var
sløkt.
Mellom anna var Christian Malme med i eit arbeidslag frå
Sunnmøre som i 1875 sette opp Træna fyr på
Helgeland
i Nordland fylke.
