"Ulabrand" var nybygg for
Gustav Sevrinson Ulla (1882-1958) frå
Ingeleiv-garden/Mette-garden på Ulla og Hans Petterson Aakre
(1883-1944) frå Eirik-garden på Åkre. Eirik-Hans var
gift med Marie, søster til Gustav. "Ulabrand" låg i
utfar inne ved Vålen. Hans gjekk til fots over
Åkre-skaret og til Ulla når dei skulle på sjøen.
I Ingeleiv-garden hadde Sevrin Guttormson Ulla (1857-1935) og
sønene Gustav (1882-1958) og Bernt (1885-1909) tidlegare ein
åttring som heitte ”Ivar Aasen”.
Den
vart oppripa med dekk, og var den første båten på Ulla med
motor.
Motor vart sett inn i
1904.
Då Bernt døydde av
tuberkulose i 1909, selde dei ”Ivar Aasen”, og Gustav kjøpte
ny båt ”Ulabrand” saman med Eirik-Hans.
Gustav og Hans dreiv sjøen med ”Ulabrand” saman
til 1918. Båten vart då seld
til Peder Olson Austnes, ”Ola-Peder”. Eirik-Petter, Petter
H. Aakre var med far sin til Ola-Peder då båten vart seld.
Der fekk dei servert saft til "kjøpeskål".
Maskina vart ombygd i
1922 til 22/25 HK. Dessutan
vart ”Ulabrand” ombygd i 1930 til 41 fot. I 1936 vart det innsett ein 35 HK
Finnøy-motor.
”Ulabrand” var med i Englands-farten under andre verdskrig. Den reiste ut Ulla-sundet den 16.
mars 1941. Desse var med: Sevrin
Larsen, Trygve Remme, Erling Sverre Longva, Per Kåre
Austnes, Alf Arnold Aarseth, Leidulv Refsnes og Martin
Gundersen.
Sjå denne lenka.
Sitat: "Eigd av Peder Austnes. Forlet Haramsøy 16. mars 1941
med 7 mann (som hadde stole båten), og kom til Baltasund 19.
mars - seinare reiste til Lerwick. På turen fekk dei problem
med motoren, og då dei prøvde å starte opp igjen, tok det
fyr. I siste liten greidde dei å sleppe anker, og brannen
vart sløkt men ikkje utan ein del skade. Dei vart taua inn
til Lerwick av ein trålar."
"Ulabrand" forliste utanfor Unst, ei øy ved Shetland.
Mannskapet vart teke hand om av ekteparet Morewood der
borte. Trygve Remme vart seinare med som mannskap på
destroyeren "Stord" frå 1943.
Sletta i 1945 som krigsforlis.
